Ezagutu Iratik udan eskaintzen dizkizun planak
Aire zabaleko jardueren eskaintza biderkatu egiten da urteko garai honetan. Bere paisaien erakargarritasunari, Irati Kantuz (Iratiren bihotzean kultura eta musika uztartzen dituen programa), inguruko artzainekin topaketak, gazta dastaketa eta udako azokak bezalako plan interesgarriak gehitzen zaizkio.
Udan, Irati bere inguruko edertasuna baino askoz gehiago da. Une aproposa da bere kultura eta historia esploratzeko. Antzinako sustraiak dituen lurralde honen ezaugarrietako batek, artzaintzak, uztailean eta abuztuan irekitzen dizkio ateak publikoari. Astelehenero, 10:30etik 12:00etara, Etxolak (Irati-Garazi ordokian dagoen artzaintza transhumanteari buruzko guneak) inguruko larreak artaldeekin erabiltzen dituzten Iratiko ordokiko hiru artzainetako baten eguneroko bizitzako une bat partekatzeko aukera eskaintzen du. Topaketan, jeztea (sasoian), gazten heltzea, ardiei ematen zaizkien zainketak edo belarrez nola elikatzen diren erakusten da.
Gainera, ostiralero, 10:30etik 12:00etara, Paulinek, Garazi ordokiko artzainetako batek, bere udako gazta dastatzera gonbidatzen gaitu eta bere ogibidearen gakoak partekatzen ditu.
Jarduera hauei buruzko informazioa eta erreserbak: 09 88 19 12 37 edo posta elektronikoan (etxola.cize@orange.fr).
Etxola azaroaren 15era arte egongo da zabalik, eta bertara hurbiltzen direnek artzainen bizitzari buruzko erakusketa bat ikusi eta bere taberna-jatetxeko espezialitateren bat dastatu ahal izango dute, asteartetik igandera, 9:00etatik 19:00etara.
Irati Kantuz, abuztuaren 4an eta 5ean
Iratiko kulturan murgiltzeko beste modu interesgarri bat abuztuaren 4an eta 5ean Chalets d’Iratyra joatea eta Irati Kantuzekin gozatzea da, hau da, kultura eta musika familia osoarentzako proposamenekin uztartzen dituen programa. Antolatutako ekintzen artean, Kalakanek emango duen txalaparta ikastaroa eta kontzertuak nabarmentzen dira. Abuztuaren 4an Carrere Familia eta Ahotsez taldeen txanda izango da eta abuztuaren 5ean Pauline Junquet eta Allegriarena. Halaber, azoka txiki bat, taloen salmenta edo ardien mozte erakusketa egongo dira, besteak beste. Informazioa eta erreserbak hemen: https://activites.chalets-iraty.com/fr/produit/concert-avec-carrere-familia-et-ahotsez
https://activites.chalets-iraty.com/fr/produit/concert-avec-pauline-junquet-allegria
Uda garaia ere momentu egokia da Iratiko haranen berezitasuna ezagutzeko eta bertako produktuak erosteko. Zaraitzu ibarrak udako merkatuak antolatzen ditu abuztu osoan: Uskartze (abuztuak 4), Orontze (abuztuak 11) eta Itzalle (abuztuak 18).
Bidezidorrak oinez edo bizikletaz
Eguraldi ona lagun, asko dira Iratik eskaintzen dituen mendi-ibiliak. Lau haranetatik (Aezkoa, Zaraitzu, Cize-Garazi eta Zuberoatik) abiatzen dira maila guztietako bidezidorrak, baita ibilbide luzekoak ere –Pirinioetako Goi Ibilbidea eta GR 7, 9, 10, 11 eta 12 HRP. Irati esploratzeko modu desberdin eta jasangarri bat bizikletaz eta gure erritmoan egitea da. Benetako paradisu naturaletatik igarotzen diren maila guztietako 16 BTT pista daude. Iratiko Etxeetan, Irati-Abodi Zentroan eta Chalets de Iratyn bizikletak alokatzeko zerbitzua dago. Azken zentro horretan bizikletak eta patinete elektrikoak alokatu daitezke.
Bidezidor eta leku interesgarri guztiak www.irati.org webgunean daude eskuragarri.
Informazioa:
- Iratiko Etxeak: egunero, 9:00-19:00
- Otsagabiko Interpretazio Zentroa: astelehenetik ostegunera eta igandeetan, 10:00-14:00. Ostiral eta larunbatetan, 10:00-14:00 eta 16:30-19:30.
- Irati-Abodi Mendigunea Mendi Zentroa (Salazar): ostegunetan, 10:00-17:30
- Kulturola: asteartetik ostegunera, 11:00-18:00; ostiral eta larunbatetan, 11:00-19:00; igandeetan, 11:00-18:00
- Aribeko Turismo Bulegoa.
- Arrazolako harrera-gunea (Aezkoa): 8:00-18:20
- Kayolar: 10:00-19:00 uztailean eta abuztuan. Asteazkenetan itxita.
- Etxola: 9:00-19:00 (astelehenetan itxita).
- Chalets d’Iraty: uztailean eta abuztuan, ostegunetik astelehenera, 9:00-19:00.