Edozein natur eremua, babestuta egon nahiz ez egon, hauskorra da berez. Bere balioa guztiz lotuta dago kontserbazio mailarekin eta beste hainbat faktorerekin. Horregatik, natur gunea bisitatzen dugunean zaintzeko konpromisoa hartu behar dugu; tentuz ibili behar dugu animalien eta landareen bizitza ez asaldatzeko, hondakinak nonahi ez uzteko, nahiz eta, askotan gertatuko den bezala, ontzirik ez egon.
Babestutako Natur Eremuetan kontuan hartu ondoko arau hauek:
Ez kanpatu, ezta karabana eta furgonetetan gelditu ere. Horretarako kanpinetara joan behar da.
Sua egiteko tokiak daude. Horiek erabili eta ez egin beste inon.
Zakurrak lotuta eraman behar dira, faunari eta aziendari trabarik ez egiteko.
Errespeta ezazu basoko fauna, azienda, landareak eta ondarea.
Ezin da basoko pistetara sartu ibilgailuekin; soilik lanera joaten direnak sartzen ahal dira.
Produktu naturalen barrutiak errespeta itzazu.
Ez egin zaratarik.
Zaborra bota ezazu edukiontzietan, edo bestela, inguruko herriren batera eraman.
Laino itxia badago hobe duzu mendian ez ibiltzea.

Eskiatzeko garaian ez ibili honako ibilbide hauetan: Cerrillarkoan, Abodikoan eta Koixtatik Pikatuara joaten denean.

Ehiza garaian (udazkena) ez molestatu postuetan dauden ehiztariak, bereziki Mendilazko ibilbidean.
Kasu egin mendizainek esandakoari.
 
     
 
© Atxatxuri Digital