Abiapuntua: Elurretako Ama Birjinaren harrera-lekua (855 m.), argibide etxolaren ondoan. Urbeltza ibaiaren ezkerreko ertzean gora egiten duen pista hartu eta sigi-sagan goiti jarraituko dugu, ur gardeneko erreka horren ondotik.

Xenda bide zaharra da, baso-pista egin baino lehenagokoa. Baso-pistak Austegia delako bazterrera garamatza: bertan izeidi ederrak daude eta Itsuosin ur-jauzitik (El Cubo izenaz ere ezaguna da) hurbil igarotzen da. Aldapa motz batetik segi eta bidexka arestiko pistan bukatzen da. Handik erraz itzul daiteke Elurretako Ama Birjinaren ermitara.