Ibilbide laburra, baina ederra, oso. Duela gutxi jarritako kartelak hango zuhaitz eta zuhaixkez mintzo zaizkigu. Abiapuntua: Elurretako Ama Birjinaren harrera-lekua (855 m.): handik Iratiko Etxeetako aurriak eta XVIII. mendeko gotorleku baten hondakinak ikustera joan daiteke. Elurretako Ama Birjinaren ermita 1954. urtean eraiki zuten oholtxo-teila tradizionalak erabiliz. Barruko irudiak Bartolozzi-Sotesek egin zituen. Ermita igaro ondoren, basoan sartuko gara. Geroago, Urtxuria erreka zeharkatu beharko da. Udan ur gutxi izaten da, beraz, ez dago arazorik. Halere, beti pasa daiteke oinutsik.